سمير خاطر

اهلا بك زائرنا الكريم يمكنك الأطلاع على المنتديات _ان كنت تريد المشاركة فيجب عليك التسجيل -شكرا لزيارتك الكريمة _مطلوب مشرفين _للاشتراك اكتب بياناتك فى منتدى الترحيب بالاعضاء الجدد
سمير خاطر

منتدى عائلى لكل افراد العائلة

رحبوا معى بأخواننا الأعضاء الجدد العقيد ابو شهاب وفاروق فاروق اهلا بكم بين اخوانكم
بالفيديو.. شاهد لحظة اختراق طائرة ركاب مبني بولاية فيرجينيا الأمريكية قبل تحطمها!
منتدى الفيديو _فيديو كليب روعة للأطفال_ شهر أكلات موائد رمضان حول العالم
فيديو «سيارة شرطة تدهس المعتصمين» يكشف كذب الإخوان ويكشف حقيقتهم - مفاجأة بالصور| خطيب إلهام شاهين السابق .. رجل "الإخوان" الأول فى رابعة العدوية
النائب العام يخاطب الدول الأجنبية لتجميد أموال 14 من قيادات الإخوان
جديد منتدى خاطر __ منتدىالأشهاروالأعلان_ اعلن عن منتداك اوموقعك مجانا

دخول

لقد نسيت كلمة السر

المتواجدون الآن ؟

ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر

لا أحد


أكبر عدد للأعضاء المتواجدين في هذا المنتدى في نفس الوقت كان 43 بتاريخ 04/08/13, 06:26 am

أفضل 10 أعضاء في هذا الشهر


هذه الرسالة تفيد أنك غير مسجل .

و يسعدنا كثيرا انضمامك لنا ...

للتسجيل اضغط هـنـا


    3 خرفان ( هشام الجخ)

    شاطر
    avatar
    SAMIR KHATER
    Admin
    Admin




    عدد المساهمات : 569
    نقاط : 1774
    تاريخ التسجيل : 01/06/2013
    الموقع : مصر
    تعاليق : مؤسس ومدير عام منتدى خاطر
    ليس المهم فقط ان تشارك الأهم هو ان تستفيد من المشاركة

    بطاقة الشخصية
    عضويتى: 1

    3 خرفان ( هشام الجخ)

    مُساهمة من طرف SAMIR KHATER في 24/07/13, 09:52 am

    خرفان 3
    ودي حكاية وكان يا ما كان ..
    ولا يحلالي اي كلام ..
    الا بذكر النبي الهمام ..
    عليه الصلاة والسلام

    3 خرفان
    ومعزاية
    وشجراية
    وبير بترول
    وبيت عمران
    وغيط سارح لحد عنينا ما تودى
    وشمس اصيلة بتجمع ولا تودى
    وديب فجعان



    3خرفان ما يتاكلوش في يوم واحد
    ما يتهضموش

    راح للخروف
    اتخن خروف
    قال يا خروف ؟؟؟
    عيال اخوك متنعنعين ومتنغنغين
    وانت هنا في اسوأ ظروف ؟؟
    يادي الكسوف !!
    راح الخروف
    علشان خروف
    ضرب الخروف
    الديب حيسكت ؟؟؟؟؟؟؟؟؟؟؟
    راح للخروف
    تالت خروف
    شفت الخروف ؟؟!!
    ضرب الخروف
    احميك انا
    وابات معاك في الدار هنا
    واديني بس انت مكان
    راح الخروف
    علشان خروف
    إدّاه مكان

    يوماً سنقراُ في الجريدةِ يا بلادي انّنا كنا خرافْ
    سيجفُ هذا النفطُ فوقَ جلودِنا
    ونودّعُ السبعَ السِمانَ ونلتقي ألفاً عِجَافْ
    سيُدَوِّنَ التاريخُ اسماءَ الملوكِ العادلينَ
    الصابرينَ
    الساكتينَ
    الكاتمينَ الصوتَ بينَ شعوبِهم .. مثلَ الزرافْ
    سيحاكمُ التاريخُ حكامَ العروبةِ كلِّها
    وسينزعُ الاظفارَ منهم في سبيلِ الاعترافْ
    إني احبك يا بلادي مرغما
    واقول شعرا يا بلادي مرغما
    والشعر لو مسَّ السياسةَ يستحيلُ مصائبا
    والشعر لو مسَّ الصعيديينَ مثلي
    يستحيل كحدِّ سيفٍ لا يخافْ
    انا لا اخافْ

    من كام سنة بِنْهِشّ بإدينا الفيران؟؟؟
    ونقول ما ندَّخلش في امور الجيران !!!
    من كام سنة راسمين رجولتنا ادب
    ناقشين إدينا نقش حنة
    وقلنا سنة
    ورمينا من إيدنا سلاحنا وقلنا هدنة
    وبلدنا بِكْر بتُغتصب
    يِعلاَ صوتها غصب عنها نِتْهِمْهَا بالشَغَب !!
    يا بلاد ماليها الاَّ العجب
    يا ( معرَّمين ) شعر وادب
    هي الرجولة تتوزن وقت الغضب غير بالغضب ؟؟؟
    هو اللي متَاخد غَصَب مش برضه يتاخد غصَب ؟؟
    يا بلاد ماليها الا العجب
    يا ( معرمين ) شعر وادب
    الوزن هو اللي اختلف ولا الميزان اللي اتقلب ؟

    من كام سنة بنسأل "بهية" مين قتل
    مين قتل مين قتل !!!
    واحنا اللي قاتلينه بإدينا !!
    مدِّينا إيدنا للغريب وف بعض عضِّينا وعَادِينا
    مين اللي ظالم في الحكاية .. ومين جبان ؟
    مانلومش ع الديب اللي خان
    احنا اللي خرفان بالوراثة
    الصبر وارثينه وراثة
    والطاعة وارثينها وراثة
    والـــ ـ ـ ـ وارثينه وراثة
    وحاجات كتيرة مش وراثة
    احنا خدناها وراثة

    انا كل ما اتذكر نحية العلم يسرح خيالي
    انا كل ما اتذكر نحية العلم يسرح خيالي
    كان صوتي لسه عيالي .. بس عالي
    كنت احسّ اني بهزّ المدرسة
    كان العلم من فرحته يرقص على الساري اللى شايله
    طب كنتوا ليه بتعلمونا نحفظ البرّ وجمايله
    طب كنتوا ليه بتعلمونا نكره الظلم وعمايله
    لمّـا انتو ناويين تسجنونا في ارضنا
    كان ايه لزوم العلم .. وهمومه .. ورزايله
    طب كنتوا سبتونا بهايم كنا نِمْنَــا مرتاحين
    ازاي ابيع ارضي وعارف ان جسمي اصله طين
    طب كنتوا علمتونا مثلا اننا من اصل تركي
    او اوروبي
    ان جسمنا اصله حلاوة او مِلَبَّس
    اشمعنى طين ؟؟؟
    اشمعنى طين ؟؟؟
    طب ولما الطين يروح .. ايه اللي فاضل ؟؟
    ولمين نغني ونفدِي روح ؟؟ ولمين نناضل ؟؟؟؟
    ولمين اعود واشتاق واحب واغير واكافح ؟؟
    ولمين اغني واقول ( بحبك يا بلد) والحب طافح ؟؟

    لاموا عليَّا الناس
    عايزيني اقول اشعار في "محمد الدرة"
    مش قايل !!!
    ما انا لما قلت زمان يا بلادي يا ( رحبة )
    قالوا ده واد سافل !!
    واللي اتلَوِتْ مني واللي اتقَمَص مِنِّي
    ونزلت عنيهم م الخجل في الارض
    وبَهْدَلُوني وحَدَّفوني لبعض
    وقالوا برضك عيب .. القاعة فيها بنات !!!!
    طب يعني وفلسطين مش برضه فيها بنات ؟؟
    والله دي فلسطين نسوانها رجالة
    هما اللي عمَّالة واحنا اللي قوَّالة
    عندينا تِبْقَى الست وَلَدها طول الباب وتخاف يروح مشوار
    وهناك حريم من غَضَب
    شايفين عيالهم دهب
    وعشان ما يلمع زيادة لازم يدوق النار
    وتقولوا اقول اشعار !!!!!!!!!
    مش قايل

    هما 3 كلمات
    نعم .. اكيد .. طبعا ..
    وطول ما فيه جُبَنَا .. فرعون بيتفَرْعَن
    والشعر اصله جبان
    اللي يقوله جبان
    واللي يعيده جبان
    قولنا بلاش نكتب والحرب اولى بْنا
    قالوا حرام والنبي خلُّولْنا اولادنا
    خايفين على عيال م الجنة ونعيمها
    شوفتوش خيابة و همّ
    الاسم رجالة والاسم عندنا دم
    دي ام موسى ( المرة )
    خافت على ولدها .. رمته في قلب اليم
    واحنا ( بنتسولق )واحنا (بنتعولم ) وبنتشوي قرارات
    تطلع قراراتنا صورة جماعية على صفحة الجُرنان
    يا ما اشجع الفرسان

    همست في وِدْني ( بَحِبَّك ) ..
    همست في وِدْني ( بَحِبَّك ) ..
    كان جسمها مفرود والخمرة عامياني
    وبياض إديها كان بيزعق لما تعدل شعرها
    الواد بيعرج م الرصاصة اللي في رِجْلُه
    شدِّت حزام الروب
    وبانت زي شيء معرفش شعري يوصفه..
    كانوا العساكر قربوا
    والواد متبت ع الحجارة اللي ف إديه
    مدّت إديها وقَّفِت كل الساعات
    صوت الكاسيت نبَّهني اني ف شقتي
    كانوا العساكر قربوا
    بيقربوا بيقربوا
    والواد متَبِّت ع الحجارة اللي ف إديه
    وَقَعِت قزازة البيرة من إيدي على طرف السرير
    الواد صرخ في مخبأه
    فاتلفتت قلقانة خايفة لاتجرح
    جريت على الصوت العساكر
    وابتدى صوت الرصاص يملا الجبل
    دوَّرت عندي في الدولاب على حاجة تنفع لجل تِتْحَزَّم لي بيها
    ما التقيت غير شال اخويا اللي اتقتل تحت الجبل
    كان برضه يعرج لما يمشي من الرصاصة اللي في رجله
    وكان متبت ع الحجارة اللي ف اديه
    مين اللي خانك يا وطن ؟؟؟؟؟؟؟؟؟؟؟؟؟؟؟؟؟؟؟؟ ؟
    قلعت حَلَقْها لما عَوَّرني ف رقبتي
    وحطته جنب السرير
    نامت على الارض العساكر لجل تسمع دَبِّة الواد اللي لسة مستخبي
    اتكسف صخر الجبل من وقفته
    هيَّج رماله ع العساكر
    سامحيني يا وحدك
    مقدرش اعيش هارب
    انعس في حضنك كيف
    والرملة في الصحرا واقفة وبتحارب

    أعطوني عاما تقريبا لأجيدَ اللغةَ العبريةْ ..
    فالجاري في وطني هذا ..
    أخجلني صدقا أن أكتبَ شعرا باللغةِ العربيةْ


    _________________

      الوقت/التاريخ الآن هو 19/12/18, 02:21 am